|
Era Carta europèa des lengües regionaus e minoritàries
ei un document aprovat peth Conselh d’Euròpa en 1992. Reconeish
es lengües definides coma "regionaus o minoritàries" coma expression
de riquesa culturau e compromet es estats signants a hèr possible
er ensenhament, en tot o en part, en aguestes lengües e tanben
a poder utilizar-les ena administracion, ena justícia e enes
miejans de comunicacion, entre d’auti àmbits.
Era Carta europèa siguec signada peth Govèrn espanhòu eth madeish
1992 e er esturment de ratificacion siguec depausat en Conselh
d’Euròpa en 2001. Ena Declaracion espanhòla se hè a constar
que "s’entenen coma lengües regionaus o minoritàries es lengües
reconeishudes coma oficiaus enes estatuts d’autonomia des comunautats
autonòmes deth País Basc, Catalonha, Isles Baleares, Galícia,
Valenciana e Navarra".
En un dusau paragraf, Espanha "declare, as madeishi efèctes,
que tanben s’entenen per lengües regionaus o minoritàries es
qu’es estatuts d’autonomia protegissen e emparen enes territòris
a on tradicionaument se parlen". Er aranés entre en aguest dusau
grop.
Des der agost de 2001 era Carta ei en vigor en Estat espanhòu.
|
 |
Carta
europèa des lengües regionaus e minoritàries